Senin, 22 April 2013

Sidangmu Dudu Sidangku

Liric lagu "sidangmu dudu sidangku"
karya : dhalang poer




Kudune betah tirakat

Yo gene naliko rakyat melarat kowe malah nekat mupakat

Sopo sing ngongkon kowe rapat njaluk undakan gaji

Sopo sing ngongkon kowe njaluk mobil dines e kuwi

Sopo sing ngonkon kowe golek utangan luar negeri

Gumun meneh utang ora sudo ning kok malah ndadi….duwite nyang ndi


Agenda rapat digawe

Nyang-nyangan meneh isine

Kowe sing neng kono kowe sing neng kene

Rakyate among nyawang wae

Opo sing kok rembug ono sidang sing gede ragate

Antarane putusan lan rakyat raono sambunge

Isine mung ndum nduman kursi rebutan jatah wae

Rumangsaku kowe kok mung rebutan butuhmu dewe


Opo lali jaman pemilu

Kowe janji arep mikir aku

Nanging  bareng wis oleh bangku, rakyat njerit kowe ora krungu

 He, opo bisu…lho malah turu….lho malah nesu…huszz saru

(Sing perlu dipikir, lengo pye amrih mudun, listrik pye amprih murah, pendidikan murah…ora kok gaji diundakke, rapat dewe di dog dewe…eh…konkonane sopo?...angel, angel…)


Rapat rapatmu dudu rapatku

Pasal pasalmu dudu pasalku

Kursi kursimu biyen kursiku

Seneng senengmu sambat sebutku dhulur

Esem guyumu loro laparku

Sorak sorak mu jerit tangisku dhulur

Pestamu pestamu ngelak luweku


Artikel Terkait Lirik Lagu

Tidak ada komentar:

Related Posts Plugin for WordPress, Blogger...